Aparece a muller que desaparecera o pasado martes en Vigo

Segundo explicou a policía local da cidade olívica, a muller foi achada cerca do Hospital Álvaro Cunqueiro, e atópase ingresada no mesmo

Redacción
| Sábado, 16 de Maio de 2026, 11:41

A asociación SOS Desaparecidos difundiu un segundo aviso informando da aparición de María Milagres C.C, de 53 anos, desaparecida en Vigo o pasado martes, 12 de maio.

Segundo explicou a policía local da cidade olívica, a muller foi achada cerca do Hospital Álvaro Cunqueiro, e atópase ingresada no mesmo. Non transcenderon detalles sobre o seu estado de saúde.

Tras varios días de procura, #SOS Desaparecidos emitiu a desactivación da alerta, na que se especificaba ademais que a muller desaparecera cun vehículo Renault Captur branco.