Condenada a 30 anos de prisión a grapo galega que secuestrou a Publio Cordón
María Vitoria Gómez Méndez e José Antonio Ramón Teijelo foron condenados por delitos de “detención ilegal dentro dunha organización terrorista”.
A Sección Terceira da Sala do Penal da Audiencia Nacional condenou a 30 anos de cárcere aos membros do grupo terrorista GRAPO José Antonio Ramón Teijelo e a galega María Vitoria Gómez Méndez, detidos polo secuestro do empresario Publio Cordón en 1995.
O tribunal considéralles “responsables dun delito de detención ilegal sen dar razón do paradoiro da vítima, labor dentro da actividade dunha organización terrorista”. Os xuíces explican que Teijelo e Gómez Méndez encargáronse de custodiar a vivenda da localidade francesa de Lyon onde permaneceu secuestrado o empresario algo menos dun mes.
Con todo, a Sala non ve elemento obxectivo algún que corrobore a acusación por homicidio, xa que a procura infrutuosa do cadáver de Cordón impide concluír que falecese da forma en que describiu Fernando Silva Sande, o 'grapo' que leva colaborando neste caso coa Garda Civil desde 2008.
Escribe o teu comentario