​Martiño Noriega compromete o apoio a todo o sector do libro galego

|

Noriega sector libro

Encontro na Alcaldía. Foto: Concello de Santiago

O alcalde de Santiago, Martiño Noriega, mantivo unha reunión con representantes da Federación de Librarías de Galicia, da Asociación de Escritoras e Escritores en Lingua Galega e da Asociación Galega de Editoras. Foi para abordar a celebración da Gala do Libro Galego 2018, para a que Noriega brindou novamente a colaboración do Concello.


A terceira edición do evento terá lugar en maio, no Teatro Principal. O alcalde expresou o respaldo do Concello de Santiago a esta gala, que "naceu hai tres anos unificando a todo o sector do libro, e prestixiándoo".


Este ano, o peso da organización recaerá na Federación de Librarías de Galicia. A súa presidenta, Pilar Rodríguez, agradeceu o apoio do Concello porque "sen o respaldo institucional sería imposible organizar a Gala do Libro".


Tamén fixo un chamamento á participación dos veciños na festa, "na que queremos implicar á cidadanía, co obxectivo de que algún día mesmo poidamos encher o Auditorio de Galicia nun gran evento cultural".


Na reunión tamén participou o vicepresidente da Asociación Galega de Editoras, Henrique Alvarellos, que quixo poñer en valor "a unión demostrada por escritores e escritoras, librerías e editoras, que ata fai tres anos viñan realizando as súas propias galas de maneira individual". Esta unión "debe servir de exemplo para as administracións, e animalas a apoiar de maneira unánime o sector do libro", dixo.


Desde a Asociación de Escritoras e Escritores en Lingua Galega, o seu presidente, Cesáreo Sánchez, explicou que a Gala do Libro "é a gran festa do sector, o momento no que se pode mostrar o seu potencial e o traballo feito ao longo de todo o ano".


relacionada ​Compostela Aberta presenta os orzamentos máis altos desde 2009
relacionada A capital galega lembra as vítimas do terrorismo e a José Martí
relacionada ​Quito elixe a capital galega como referente en rehabilitación

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress