​Este domingo choveu máis que en todo novembro en varios puntos de toda Galicia

|

Lluviaparaguascoche


A borrasca 'Ana' provocou que varios puntos da xeografía galega rexistrasen máis chuvias este domingo que en todo o pasado mes de novembro. Segundo os datos das estacións de Meteogalicia, numerosas zonas de Galicia excederon este domingo os 100 litros de auga por metro cadrado.


Ponte Caldelas (Pontevedra) foi o punto onde máis auga caeu este domingo con máis de 160,8 litros por metro cadrado, seguido por Entrimo (Lugo) con 154,3; Fornelos de Montes (Pontevedra) con 144; Lousame (A Coruña) con 140,6 e Abadín (Lugo) con 133,2.


En canto ao vento, o maior refacho rexistrouse en Manzaneda (Ourense), onde chegou a soprar a unha velocidade de 152,1 quilómetros por hora. Cedeira (A Coruña) --150,5--, Oia (Pontevedra) --150,3--, Viveiro (Lugo) --144,9-- e Carballeda de Valdeorras (Ourense) --142--, foron outros dos puntos de Galicia onde os refachos de ventos foron máis fortes este domingo.


Entre as principais cidades galegas, Santiago foi onde máis choveu este domingo, segundo datos ofrecidos por Meteogalicia antes das 20,00 horas. Na capital galega alcanzáronse 82 litros por metro cadrado e rexistráronse refachos de vento de 85 quilómetros por hora.


relacionada O temporal deixa máis de 300 incidencias por toda Galicia e continúa este luns

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress