Reino Unido comprométese a pagar entre 40 e 60 mil millóns para deixar a Unión Europea
Juncker e Theresa May pecharon un acordo de madrugada sobre as bases do Brexit.
O presidente da Comisión Europea, Jean Claude Juncker, e a primeira ministra británica, Theresa May, conseguiron este venres un acordo para pechar as bases do Brexit, o cal permitirá a Londres e Bruxelas iniciar as conversacións sobre as relacións futuras unha vez que se produza o divorcio se así o aceptan os líderes da UE o vindeiro venres.
Reino Unido comprométese, así, a pagar a factura da saída da Unión Europea por un importe de entre 40.000 e 60.000 millóns de euros e a non impoñer unha fronteira dura con Irlanda.
"A Comisión está satisfeita de que se lograsen avances suficientes en cada unha das tres áreas prioritarias --dereitos dos cidadáns, diálogo sobre Irlanda e a factura financeira--", anunciou o Executivo comunitario nun comunicado despois dun almorzo en Bruxelas entre May e Juncker.
Escribe o teu comentario