O xuíz chama a outras 30 testemuñas polos "atrasos" nos tratamentos de hepatite C

|

Sovaldihepatitisc


O titular do Xulgado de Instrución número 3 de Santiago, Andrés Lago Louro, citou para este mércores 29 e para o xoves 30 a novas testemuñas para declarar no marco da causa aberta pola subministración dos tratamentos da Hepatite C, na que dous cargos do Sergas están a ser investigados.


O caso, que investiga ao actual xerente da área sanitaria viguesa, Félix Rubial, ex director de Asistencia Sanitaria, e a subdirectora de Farmacia, Carolina González-Criado, trata de determinar se houbo irregularidades na subministración dos tratamentos que puidesen derivar na morte de pacientes, como denunciou con especial intensidade a Plataforma de Afectados pola Hepatite C.


Na providencia, á que tivo acceso Europa Press, cítase como testemuñas para este mércores a partir das 9,30 horas a un médico do Complexo Hospitalario Universitario de Vigo (Chuvi) e ao ex director xeral que substituíu a Félix Rubial á fronte de Asistencia Sanitaria, Ramón Ares, desde xaneiro de 2006 á fronte da xerencia sanitaria lucense.


Fontes da causa confirmaron a Europa Press que tamén están chamados a declarar en calidade de testemuñas unha doutora da unidade de Transplantes do Complexo Hospitalario Universitario da Coruña (Chuac), o xefe de servizo do Sergas que actuaba como secretario da subcomisión de tratamentos da Hepatite C, e a xefa de servizo de Uso Racional do Medicamento e Atención Farmacéutica do Sergas.


CITACIÓNS O XOVES


Xa o xoves, entre outros, está previsto que declaren como testemuñas, médicos hepatólogos do Complexo Hospitalario Universitario de Santiago (CHUS) e a xefa do servizo de Farmacia do centro.


Para esta segunda xornada tamén estaba chamado a comparecer o doutor Evaristo Varo, da Asociación Batas Blancas e un dos médicos que denunciou publicamente "atrasos" na administración dos tratamentos da Hepatite C.


Varo, que aínda non recibiu unha nova data para comparecer, confirmou a Europa Press que non poderá asistir xa que se atopa de viaxe por motivos profesionais.


relacionada Sanidade ampliará o plan da Hepatite C para tratar a todos os pacientes
relacionada Ruibal nega dilación na administración de fármacos da hepatite C por motivos económicos
relacionada Testemuñas subscriben a versión do Sergas no caso polos tratamentos da Hepatite C

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress