Ángeles Vázquez: "Contratos coma os de 2012 tívenos que volver facer eu agora mesmo"
A conselleira de Medio Rural defende que os contratos polos que Fernández-Couto está imputado son correctos e eran necesarios para reorganizar o operativo contra incendios.
A conselleira de Medio Rural, Ángeles Vázquez, defendeu este martes a Tomás Fernández-Couto, director xeral de Ordenación Forestal investigado por suposta prevaricación en contratos de helicópteros anti incendios.
Cuestionada sobre se manterá ao alto cargo no caso de que se lle abra xuízo oral, Ángeles Vázquez eludiu pronuciarse sobre esta posibilidade, pero defendeu que aquel procedemento se fixo por "urxencia".
"Eses contratos tívenos que volver facer eu agora mesmo", declarou. A titular do departamento autonómico defendeu ese procedemento para poder reorganizar "rapidamente" o operativo contra incendios, "algo que se fixo tamén en 2012".
Ángeles Vázquez, ademais, cuestionou se "aqueles que nun momento denunciaron, van volver denunciar agora?". Así mesmo, defendeu que "polo que me trasladan, o realizado (nos contratos do 2012) foi correcto, do mesmo xeito que entendo que o que realicei eu agora mesmo foi correcto".
Traballadores contra incendios volven ao paro mentres a Xunta mantén a Fernández-Couto
Remata o período de alto risco de incendios coa Xunta investigada por irregularidades
Tomás Fernández-Couto, imputado pola adxudicación "sen transparencia" dos helicópteros antiincendios
A Fiscalía denunciou o "quebranto" da "publicidade e legalidade" nos contratos de helicópteros
Escribe o teu comentario