'Oasis Monte Alto', un proxecto colaborativo "para revitalizar o barrio"

|

Colabcoruna


A Concellería de Participación e Innovación Democrática, no marco do Laboratorio Cidadán da Coruña, o Co-Lab, presenta esta fin de semana a proposta Oasis Monte Alto, un dos proxectos de innovación social que desenvolverá este ano e que ten como obxectivo, segundo sinala a concelleira Claudia Delso, "mellorar a contorna e as relacións do barrio a través dos propios talentos e recursos locais".


"Oasis Monte Alto emprega no seu proxecto o Xogo Oasis, unha ferramenta de mobilización comunitaria creada polo Instituto Elos en Brasil e implementada centos de veces en máis de 30 países por todo o mundo, pola cal un grupo de 20 persoas xogadoras farán de nexo entre o proceso participativo e o resto do barrio que permitirá mobilizar a comunidade para recoñecer o potencial que existe no barrio, e así, xuntos e xuntas soñar, deseñar e poñer en marcha iniciativas colaborativas que revitalicen a zona", explica a edil.


Coa finalidade de dar a coñecer entre os veciños esta proposta, o Co-Lab organizou para este domingo unha sesión de presentación con habitantes do barrio, comerciantes, colectivos sociais, líderes de opinión, artistas, estudantes está aberto aos veciños.


"O obxectivo deste encontro é que persoas de calquera idade e orixe se acheguen a coñecer o proxecto e comprendan mellor en que consiste e como se pode participar nel", incide a concelleira.


Durante dúas fins de semana do mes de novembro, do 10 ao 12, e do 24 ao 26, o equipo promotor de Oasis Monte Alto convidará os veciños do barrio para "identificar e construír un soño común". Os eventos serán espazos abertos para persoas de todas as idades e orixes, "onde se compartirá e construirá comunidade".


relacionada "Agora aceptan as solucións que o concello leva desde abril propoñendo"
relacionada A reparación ás vítimas do franquismo da cidade herculina dá un paso máis
relacionada "A Coruña é unha cidade de mulleres"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress