Galaxia presenta un inédito de Neira Vilas e en 2019 lanzará outro

|

O autor do maior best seller da literatura galega continúa sendo fonte de novidades editoriais despois do seu falecemento. Mañá preséntase De Gres a Cádiz  e en 2019 Galaxia promete outro inédito.


Así xoves 26 de abril,  Dolores Vilavedra -profesora da USC- e Luís Reimóndez, presidente da Fundación Xosé Neira Vilas, presentarán o novo lanzamento, dentro da Biblioteca de Autor que a Editorial Galaxia dedicou, xa en vída, a reunir a obra do escritor inmortal de Memorias dun neno labrego. Ademais, Galaxia asegura que en 2019 un segundo haberá outro libro tamén descoñecido  ata hoxe. 



Neira Vilas xornaleiro galegas Che EDIIMA20140619 0529 4


De Gres a Cádiz  é un libro que Neira Vilas comezou a escribir en 1996 e que está composto por un “ramallete de recordos, de prosas condensadas”, tal como afirma o propio autor no prólogo que deixou preparado para esta edición. 


AUTOBIOGRÁFICO


Xosé Neira Vilas recoñece tamén abordar neste novo libro unha parte da súa vida con nostalxia e coa idea de “revelar, á miña maneira, a Galicia aldeá de varias décadas atrás”. E, como é característico de toda a súa produción, literaria ou memorialística, bota man da narración en primeira persoa para dar conta do mundo que viu desde os seus ollos atentos.


Deste xeito, en De Gres a Cádiz enmárcanse as vivencias do autor no período comprendido entre a súa estancia no Gres que o víu nacer, e a chegada a Cádiz, cidade onde se embarcou aos 20 anos cara a América disposto a vivir “unha nova etapa vital”.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress