Obradoiro CAB necesita máis apoio para competir en ACB e lanza a campaña "Obrade'ouro" para logralo

O Monbus Obradoiro arrincou a súa folla de ruta para a tempada 2026-27 cunha dobre iniciativa que combina a campaña habitual de renovación de abonados cunha captación de fondos inédita denominada "Obrade'ouro". A fórmula, activa desde este mércores 28 de maio e até o 8 de xuño, consiste nun préstamo participativo mediante o que a afección compostelá pode achegar capital directamente ao club a cambio de vantaxes económicas e simbólicas. É a primeira vez que a entidade galega recorre a este mecanismo financeiro para afrontar o seu regreso á liga Endesa.

O contexto explícao todo. Santiago de Compostela pasou dúas tempadas sen baloncesto de elite, 726 días nos que a ausencia da ACB lembrou a unha cidade afeita a convivir co club o que significa perder esa normalidade. O descenso ao final da tempada 2023-24 chegou da peor maneira posible: un triplo empate co Coviran Granada e o Río Breogán que deixou ao equipo fóra polos coeficientes de desempate, pondo fin a trece anos consecutivos na máxima categoría. A tempada seguinte, a 2024-25, foi un fracaso deportivo. Na 2025-26, baixo a dirección técnica de Diego Epifanio, o equipo se rehízo e conquistou o título de Primeira FEB o pasado 8 de maio, derrotando ao Inveready Gipuzkoa por 85-68 ante máis de 6.100 afeccionados no Multiusos Fontes do Sar.

Préstamo con retorno parcial no abono

O mecanismo de "Obrade'ouro" funciona como un préstamo participativo cuxos termos concretos están recollidos nas condicións particulares publicadas polo club. A achega mínima é de 200 euros para adultos e de 80 euros para menores de idade, sempre en múltiplos exactos desas cantidades. O beneficio máis directo é económico: o 50% do prestado descóntase no prezo final do abono da tempada 2026-27. Ademais, quen participen nesta fase terán prioridade para manter a súa localidade da campaña anterior e recibirán unha camiseta exclusiva e de edición limitada.

O sistema está aberto a calquera persoa, sexa ou non abonada do club. Para participar basta con acceder á tenda oficial do Monbus Obradoiro, seleccionar o artigo "Obrade'ouro" na súa versión de adulto ou menor, e completar a compra. A confirmación chega por correo electrónico.

Tres fases para construír a afección do regreso

A captación de "Obrade'ouro" é a primeira de tres fases que estruturan a campaña de abonados. Unha vez pechado o prazo do préstamo participativo o 8 de xuño, o proceso divídese en dúas etapas claramente diferenciadas. A primeira fase, do 10 de xuño ao 7 de xullo, está reservada exclusivamente aos abonados da tempada 2025-26 que participen en "Obrade'ouro": poderán renovar a súa localidade ou elixir calquera asento libre do pavillón. Algúns abonados criticaron que só se poida renovar o asento da tempada se se fai o préstamo participativo.

A segunda fase, desde o 8 de xullo en diante, ábrese a calquera persoa interesada, con ou sen préstamo previo, para cubrir os asentos dispoñibles.

O club advirte que quen esperen á segunda fase perderán tanto a reserva da súa localidade habitual como o desconto por renovación de tempada.

Descontos acumulables e tarifas por idade

A estrutura de prezos e descontos do abono 2026-27 mantén unha lóxica de fidelización progresiva. Os abonados da tempada 2025-26 teñen un desconto basee do 15% sobre o prezo de zona, mentres que os abonados de tempadas anteriores entre 2011-12 e 2024-25 acceden a un 5%. Sobre esa base poden sumar beneficios adicionais: o desconto familiar, graduado desde o 10% para o segundo membro do núcleo até porcentaxes crecentes para os seguintes; o 5% por cinco tempadas de fidelidade; o 5% por asistencia completa na campaña 2025-26; ou a promoción "Trae un amigo", que beneficia tanto ao novo abonado como ao recomendador. As doazóns á Fundación Obradoiro tamén xeran desconto directo no abono, con dedución fiscal de entre o 40% e o 80%.

O abono pode adquirir en liña ou nas oficinas do club con cita previa, con posibilidade de financiamento sen intereses de tres a nove meses.

A tempada do regreso

O ascenso da campaña 2025-26 foi o resultado dun proxecto moi diferente ao fracaso previo. Baixo as ordes de Epi, o equipo encadeou 28 vitorias na fase regular de Primeira FEB para terminar líder, a pesar de sufrir nas primeiras xornadas a grave lesión de xeonllo do pivote Goran Huskić.  Houbo dúas clave no ascenso: o pavillón de Sar volveu encherse a rebordar na recta final da tempora e a vitoria fóra de casa no derbi galego ante o Leyma Coruñ mporada, dixo, resumíase en tres letras, A, C e B.

O reto económico da ACB

O Monbus Obradoiro afronta o salto á máxima categoría cun orzamento estimado ao redor dos 3,3 millóns de euros, unha cifra que sitúa ao club compostelán entre os conxuntos de menor capacidade económica da liga Endesa. 

A brecha cos grandes é abismal: o FC Barcelona e o Real Madrid operan con orzamentos que superan os 40 millóns de euros, mentres que a Valencia Basket sitúase ao redor dos 35 millóns. Equipos de perfil medio como o Baskonia manexan preto de 16 millóns, e os máis modestos da categoría, como o Bàsquet Manresa, roldan os 3,5 millóns, unha referencia directamente comparable coa realidade do Obradoiro. 

A ACB é, en termos financeiros, unha liga de dúas velocidades, e o club galego sábeo. A aposta por construír masa social sólida a través de iniciativas como "

" responde precisamente a esa necesidade de xerar unha base económica propia que lle permita competir a longo prazo sen depender unicamente dos resultados deportivos.