O Celta estréase na Copa coa mirada posta no máis alto
Tras dúas semifinais seguidas, os celestes empezan coa ilusión de facer un ano máis un bo papel na competición.
Unha "competición especial". Foto: @gomez_sergi twitter
Tras dúas semifinais perdidas de forma consecutiva, o Celta volve á competición copeira. E faino contra o Eibar, un equipo en horas baixas, pero que se estrea no seu estadio.
Aínda que o responsable do banco celeste nas dúas ocasións anteriores era Berizzo, Unzué tamén declarou sentir a Copa do Rei "como unha competición especial e neste caso ten unha importancia maior porque nos últimos anos ao Celta déuselle ben".
Así, aínda que o adestrador anunciou "algúns cambios" no once, afirmou que quere todo o persoal "enchufado", por iso só leva a Brais Méndez do filial.
En Ipurúa, o diñeiro recadado no despacho de billetes irá destinado aos afectados pola vaga de incendios que afectou a Galicia a semana pasada. Un xesto do Eibar que o Celta respondeu rexeitando as invitacións ao partido e pagando pola súa asistencia.
Escribe o teu comentario