Persoal sanitario de Santiago solidarízase cos compañeiros das áreas ameazadas

Concentración no Clínico.

Persoal da xunta da área sanitaria de Santiago concentrouse este mércores pola mañá na entrada do Hospital Clínico para protestar contra a reforma da Lei de saúde de Galicia na que "se pretende eliminar áreas sanitarias".

Así, unha vintena de delegados e membros da xunta de persoal da área sanitaria concentráronse para denunciar que "se pretende eliminar as áreas sanitarias do Salnés, Monforte, O Barco e Burela".

Baixo o lema 'Non á supresión das áreas sanitarias', os concentrados aproveitaron a convocatoria dunha reunión da xunta de persoal para concentrarse e expresar o seu apoio aos compañeiros desas áreas sanitarias.

Con esta concentración e as que semanalmente levan a cabo nas áreas sanitarias do Salnés, Monforte, O Barco e Burela pretenden "sensibilizar", ademais, aos cidadáns desas zonas.