Vázquez Padín asume a alcaldía de Tui co aval do PP


|

Tuimocioncensurapadin


O concelleiro de Converxencia XXI na corporación de Tui, Carlos Vázquez Padín, asumiu este martes o bastón de mando da Alcaldía desta localidade tras prosperar unha moción de censura debatida nun pleno tenso, no que non faltaron os apupos e as acusacións de "corruptos" e "traidores" cara aos edís asinantes da iniciativa (CXXI, PP, Alternativa Popular de Tui, e Cidadáns Tudenses).


Cunha maioría de nove votos, o bloque da dereita logrou desaloxar ao socialista Enrique Cabaleiro (PSOE), que gobernaba en minoría desde as eleccións de 2015, en coalición con BNG, Alternativa Tudense, e SON de Tui.


Finalmente, este martes celebrouse a sesión plenaria (que se iniciou cun minuto de silencio en recordo das vítimas dos incendios) para debater a moción de censura, cun salón de plenos abarrotado, na súa maioría por simpatizantes de Cabaleiro e o seu equipo. Así, as intervencións dos concelleiros 'censuradores' foron constantemente interrompidas ao berro de "esta moción é corrupción", "caciques" ou "traidores".


Vázquez Padín, novo alcalde a pesar de liderar un grupo de só dous concelleiros, xustificou a presentación desta moción pola "arrogancia", a "división interna" e a "falta de diálogo" do goberno local saínte, e aseverou que, desde este martes, Tui conta co seu "primeiro alcalde galeguista e liberal".


O portavoz de CXXI referiuse tamén aos "compromisos de investimento" por parte de Xunta e Goberno incluídos no acordo dos grupos asinantes da moción, e que foi duramente criticado polo PSdeG (Carmela Silva definiuno como "compravenda" da alcaldía de Tui e anunciou que estudará se se pode levar aos tribunais).


Así, tras admitir que existen, proclamou que "deberían agradar e non molestar á oposición" e engadiu unha frase que, debido aos apupos, non puido acabar de pronunciar: "Ou hai algún partido en España que non utilice as institucións para favorecer...?".


"MERCADEO" DE APOIOS POLÍTICOS


Pola súa banda, os grupos integrantes do goberno censurado criticaron a actitude de Vázquez Padín e dos partidos asinantes da moción por practicar o "mercadeo" e a "compra de vontades políticas", coa única finalidade de acceder ao poder, e a pesar de que o propio Padín foi sempre moi crítico coa xestión do PP.


Enrique Cabaleiro, quen proclamou o seu "orgullo" por ser alcalde estes dous anos e reivindicou o traballo do seu equipo en favor dos veciños, advertiu ao novo rexedor de que "pinta menos do que se cre" neste cambio de goberno.


relacionada A "compravenda" do goberno de Tui pode acabar no xulgado
relacionada Silva reclama a Rueda que explique se comprou desde a Xunta a moción de censura en Tui
relacionada Villares: "O PP usa os orzamentos da Xunta para traficar coas alcaldías de Pontevedra"

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE