Viaqua lanza a IV edición do seu certame 'Relatos de auga intelixente'
O xurado fallará nos primeiros meses do próximo ano, para que a entrega de premios teña lugar o 22 de marzo, Día Mundial da auga.
Por cuarto ano, o certame literario 'Relatos de auga intelixente' convocado por Viaqua abre prazo de presentación de textos.
Coma nas edicións anteriores, está dirixido a alumnos de 12 a 17 anos dos centros de ESO e Bacharelato ou FP que pertenzan a municipios onde a empresa se encarga da xestión da auga.
Os alumnos teñen ata o 31 de decembro para enviar os seus traballos, que deberán tratar sobre "a importancia da auga na sociedade e na vida, o uso responsable e coidado do medio ambiente, así como a percepción que os alumnos teñen do concepto de cidade intelixente e auga intelixente".
Os requisitos pódense consultar na web de Viaqua e o xurado fallará nos primeiros meses do próximo ano, para que a entrega de premios teña lugar o 22 de marzo, Día Mundial da auga.
A empresa quere contribuír desta maneira "á difusión da cultura da auga e implicar os mozos no uso sustentable deste recurso escaso e o coidado do medio ambiente".
Catro mozas compostelás, vencedoras do concurso de relatos de Viaqua
Máis de 500 traballos de escolares compiten por ser os mellores 'Relatos de auga intelixente'
Escribe o teu comentario