O Celta perde a Hugo Mallo tres semanas, aínda que pode ser só un partido

As probas ás que os servicis médicos do Celta someteron a Hugo Mallo confirman a rotura muscular de grao I no bíceps femoral da súa perna esquerda.

Aínda que nun primeiro momento se prevía que a recuperación duraría un mes, o diagnóstico final contempla que o capitán estará apartado dos terreos de xogo tres semanas.

Hugo Mallo tivo que pedir o cambio durante o partido de Liga contra o Xetafe, que o Celta rematou empatando.

O lateral perderá, por tanto, o encontro contra Las Palmas do luns 16, pero podería chegar ao que o conxunto celeste disputa contra o Atlético o domingo 22 se apura os prazos da recuperación e os médicos lle dan a alta.