Un can policía que traballou en Angrois "xubílase" cunha familia de acollida

|

Perropoliciaalvia


Brus, un can policía especializado na recuperación de restos humanos que, entre outros operativos, traballou no do accidente do Alvia en Santiago de Compostela, "xubilouse" cunha familia en Galicia.


A través da asociación Heroes de 4 Patas, unha familia de Salcedo (Pontevedra) adoptou o animal tras finalizar a súa vida activa despois de 10 anos de servizo.


A Policía Nacional conta actualmente con 452 cans --17 deles en Galicia-- e 218 axentes responsables do seu adestramento e traballo policial. Os guías caninos están formados na detección de explosivos, drogas, acelerantes do lume, billetes de curso legal, persoas ocultas, labores de salvamento e rescate e procura e localización de restos humanos, tamén no medio acuático.


En 1947 creouse a Escola de Adestramento Canino da Policía, nun primeiro momento para a detección de droga, á que se foron sumando outras especialidades. En 1994 empezouse a adestrar a cans en rescate e salvamento de persoas entre cascallos e grandes superficies e en 2009 empezouse a adestrar a recuperación de restos humanos.


Heroes de 4 Patas é unha organización sen ánimo de lucro que persegue dar visibilidade ao labor de cans de traballo empregados por administracións públicas ou entidades privadas e ofrecer "unha retirada digna e de calidade" aos exemplares que abandonan o servizo por idade ou perda de capacidades, mediante a creación dunha rede de familias adoptantes.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress