Avanzan os trámites para suprimir 36 pasos a nivel entre Ourense e Lugo
Adif licita os proxectos por máis de 2,7 millóns. E terán un prazo de execución de 10 meses.
Imaxe de arquivo dun paso a nivel.
Adif sacou a licitación a redacción dos proxectos de supresión de 36 pasos a nivel no tramo de rede convencional Ourense-Monforte de Lemos-Lugo.
O orzamento de licitación conxunto é de algo máis de 2,73 millóns de euros, nunha pinza que vai desde os case 175.000 euros do proxecto de menor contía aos 275.000 do maior. O contrato conta cun prazo de execución de 10 meses.
Os proxectos divídense en nove lotes, atendendo a criterios de proximidade e complexidade na solución, segundo explica Adif. Dos 36 proxectos, 30 corresponden a pasos a nivel na liña Palencia-A Coruña e seis á liña Monforte de Lemos-Vigo.
Os termos municipais nos que se sitúan os pasos a nivel son Ourense (dous), Sober (un), Monforte de Lemos (cinco), Sarria (14) e Lugo (14).
O PSdeG reclama a rehabilitación das estacións de ferrocarril do rural
Adif suprimirá os pasos a nivel en Betanzos e Guitiriz
Escribe o teu comentario