Que os excesos do verán non pasen factura

El Corte Inglés Santiago acolle este mércores, día 20 de setembro a conferencia 'Desintoxica o teu Organismo e Recupera a Saúde' impartida pola Doutora Otilia Quireza. A cita é ás oito da tarde no Salón de Ámbito Cultural (Planta Baixa).

Tal e como informa a entidade nun comunicado, na conferencia explicarase "por que é importante desintoxicar o organismo, cales son as consecuencias de non facelo e como podemos conseguilo" tras os excesos do verán.

Otilia Quireza é Doutora en Medicina pola Facultade de Medicina de Santiago de Compostela e dedícase ás Terapias Naturais desde 1992. Tal e como recolle a nota do Corte Inglés "concentrou a súa atención en aliviar o sufrimento físico e psíquico das persoas que a consultan, buscando sempre a raíz do seu problema". Comezou estudando terapias bioenerxéticas como a Homeopatía, Medicina Biorreguladora ou Nutrición Enerxética, e nos últimos 15 anos, especializouse en Terapias de Desbloqueo Emocional como EMDR e SHEC.