Galicia recibirá en 2018 tres novos 'supercargadores' de Tesla
O fabiricante de coches eléctricos máis mediático amplía a súa rede e instalará novas estacións en Santiago, Lugo e Verín.
A multinacional máis importante de coches eléctricos, Tesla, anuncia a instalación en Galicia de tres dos seus 'supercargadores', na ampliación da súa rede que pretende acometer antes de que remate 2018.
Tal e como recolle na súa web, Santiago, Lugo e Verín son os emprazamentos elixidos para este tipo de estacións de carga rápida que permiten encher as baterías do coche en menos dunha hora.
A compañía xa conta con cinco puntos de recarga na nosa comunidade. Denomínaos estacións de carga en destino, ao situarse en establecementos hostaleiros, de forma que os usuarios poden recargar mentres pasan a noite.
Actualmente estes puntos están na Casona da Labrada (A Pontenova), A Quinta da Auga e Hostal dos Reis Católicos (Santiago de Compostela), Reitoral de Ansemil (Celanova) e o hotel O Camiño (O Barco de Valdeorras).
De momento non se coñece a localización exacta dos novos 'supercargadores', máis aló das localidades. Nos seus plans, o máis preto da nosa comunidade que instalará estes puntos serán Ponferrada, antes de que acabe 2017, e Oviedo, á vez que os tres galegos.
Arrinca nas Pontes a I Edición da Volta a España en vehículo eléctrico
Galicia entra na batalla para fabricar os coches eléctricos de Tesla Motors
Escribe o teu comentario