Cando ser os mellores non basta: inquietude en Stellantis Vigo, esquecidos a pesar das marcas de produción

"Que máis temos que facer?", preguntaranse hoxe os operarios da planta de Stellantis Vigo. As cifras na factoría olívica son verdadeiramente encomiables, cunha marca histórica de produción en 2025 e un 2026 que vai camiño de romper de novo os rexistros. O grupo parece non ter nada que reprocharlle ao persoal dunha planta que se deixa a pel en cumprir cos obxectivos, pero que, no entanto, asiste con desazón ás noticias nas que as alianzas da compañía relegan á fábrica galega a un segundo plano, coas factorías de Madrid e Zaragoza acaparando a carga de traballo que impide crecer a Stellatis Vigo, onde a Central Unitaria dúas Traballadores (CUT) cuestiona que os bos números non teñan un efecto sobre as condicións salariais e laborais. 

RÉRCOD TAMÉN EN SACRIFICIOS

Desde a CUT pon de manifesto a evolución produtiva en Stellantis Vigo que debuxa "unha realidade incontestable": "A planta continúa batendo marcas históricas de produción e produtividade mentres as condicións laborais e a saúde do persoal seguen deteriorar, sen unha recompensa xusta ao enorme esforzo realizado". 

O primeiro trimeste do presente exercicio revela a tendencia á alza, con preto de 142.000 unidades producidas até marzo, elevando os niveis produtivos nun 2%. O sindicato descree que isto sexa resultado de "milagres industriais" ou "fórmulas máxicas de xestión". "O verdadeiro motor destes resultados son miles de traballadores e traballadoras sometidos, día tras día, a ritmos de traballo cada vez máis elevados, a unha maior presión produtiva e a un desgaste físico e mental absolutamente insosteible", denuncian, abundando no feito de que,detrás das marcas, hai "máis carga de traballo, menos tempos de recuperación, máis dores musculoesqueléticos, máis ansiedade, máis tensión e unha sensación xeneralizada de esgotamento". 

"A produtividade aumenta constantemente, pero as condicións de traballo non melloran na mesma proporción", lamentan, á vez que sinalan á patronal e a Xunta como complices das malas condicións dos operarios, tendo en conta que instalaron o debate na opinión pública sobre o absentismo laboral, relacinándolo cunha "falta de compromiso" dos traballadores, en lugar de por que se dan tantísimas baixas médicas

"Trátase dun relato profundamente interesado e perigoso que busca desviar o foco das verdadeiras causas: a organización do traballo, os ritmos abusivos e a falta de prevención real", insisten desde o sindicato, amparados en datos publicados pola OIT ou a OMS e nos exemplos das recorrentes baixas froito de "trastornos musculoesqueléticos derivados de movementos repetitivos, manipulación de cargas e posturas forzadas, un aumento constante das doenzas de saúde mental asociadas á presión laboral, a incerteza e a tensión crónica". "Non é unha opinión: é unha realidade avalada pola evidencia científica e epidemiolóxica", subliña a CUT. 

"CORPOS ESGOTADOS"

A pesar de ser o da automoción un dos sectores puntais da economía galega, o sindicato censura describir isto como un "éxito industrial", cando se sostén sobre "corpos esgotados e saúde deteriorada". "Se o sector é clave para a economía galega, tamén debería ser exemplar nas condicións de traballo e na protección da saúde laboral", sosteñen, acusando unha particular presión nunha carreira constante contra o cronómetro por ser máis eficientes en menos tempo,  

"Mentres a empresa fala de competitividade e eficiencia, o persoal leva anos soportando un modelo produtivo baseado na intensificación continua do traballo. Un modelo no que a saúde pasa a un segundo plano e no que moitas persoas precisan medicarse para poder aguantar a xornada laboral", recalcan desde a CUT, que non ve que isto teña unha repercusión nos salarios do persoal, que segue sen recibir unha "paga de beneficios digna" a pesar da frecha ascendente nos beneficios, que tampouco se reverten en eliminar as altas taxas de temporalidade nin nun freo aos ERE que golpearon á empresa nos últimos anos. 

"Os beneficios e os bos resultados existen. As marcas de produción tamén. O que non existe é unha repartición xusta da riqueza nin unha mellora real das condicións para quen fai posible eses resultados", acusan desde a CUT, que cren "inaceptable" que se exiga aínda máis ao persoal cando non son recompensados polos seus sacrificios nin se corrixen as deficiencias. "Si Stellantis Vigo é capaz de bater marcas históricas de produción, tamén debe ser capaz de garantir marcas en dereitos, estabilidade laboral, prevención e protección da saúde. Porque detrás de cada vehículo producido hai persoas. E sen elas, ningunha marca sería posible", resolven.