Galicia conta este ano con máis de 42.000 pólizas de seguros agrarios
Son un 10% máis que o ano pasado, nun período no que as xeadas e a sarabia castigaron o campo galego.
Crecen un 10% os seguros agrarios.
Galicia rexistra un total de 42.340 pólizas de seguros agrarios no que vai de ano, cun capital rexistrado de case 450 millóns de euros, o que supón un 10% máis fronte aos 408 millóns do mesmo período 2016.
Estes datos foron avaliados nunha reunión de traballo pola directora xeral de Gandaría, Belén do Campo, e o director territorial Noroeste de Agroseguro, Ramón Martín.
Respecto das xeadas, unha vez realizadas as correspondentes peritaxes, constátase a existencia dun dano medio do 84% nun total de 386 hectáreas de cultivo en catro das cinco denominacións de orixe de Galicia, excepto Rías Baixas.
Así, a afectación en Valdeorras é de 151 hectáreas; Monterrei, con 105 hectáreas; Ribeiro, con 28 hectáreas, Ribeira Sacra, con 64.
No tocante aos danos pola sarabia, están a rematarse as peritaxes correspondentes ás 100 hectáreas comunicadas polo sector para avaliar os danos.
A Xunta insiste que os viticultores contraten seguros, a súa "materia pendente"
Terceira xornada de tormentas que volverán deixar sarabiadas
Os viticultores do Ribeiro 'móllanse' por defender as axudas ao sector tras as xeadas
Escribe o teu comentario