A Deputación da Coruña adhírese á campaña 'En negro' contra a violencia machista
O ente provincial reuniuse con representantes municipais para avanzar na coordinación.
Escaparate participante na campaña.
A Deputación da Coruña sumarase este ano á campaña 'En negro', unha iniciativa para denunciar a violencia machista.
En concreto, a responsable da área de Igualdade, Ánxela Franco, confirmou o apoio aos concellos no desenvolvemento desta iniciativa.
Fíxoo coincidindo cunha reunión convocada por esta área con representantes municipais "para avanzar na coordinación da campaña", segundo o organismo provincial coruñés.
En total, 25 concellos da provincia, o que supón a metade dos participantes, incorporaranse a esta iniciativa que se difunde en espazos públicos e, sobre todo, no sector do comercio.
"A campaña demostrou que é unha forma impactante de concienciar a sociedade contra a violencia de xénero e, por iso, a Deputación da Coruña quere participar e apoiar os concellos para que a imaxe negra de denuncia se expanda". Neste sentido, a deputada comprometeuse a estudar distintas fórmulas de colaboración cos concellos para ampliar a campaña.
Acordo unánime por un pacto galego contra a violencia machista
Escribe o teu comentario