AEMET eleva a alerta a laranxa nalgunhas zonas por unhas tormentas que deixan saraiba e 700 raios

Unha serie de potentes tormenta eléctrica está a descargar este martes pola tarde sobre o sur de Galicia, varrendo de sur a norte a comunidade con intensidade crecente a medida que avanzan as horas. Meteogalicia pide "moita precaución" aos condutores ante as fortes choivas e a saraiba rexistrados en distintos puntos do territorio. O radar da axencia autonómica contabilizaba máis de 700 raios caídos na comunidade até as 18.30 horas, nunha cifra que non deixaba de crecer co paso da xornada.

A Axencia Estatal de Meteorología (Aemet) activara previamente a alerta amarela por tormentas vespertinas nas catro provincias galegas: A Coruña, Lugo, Ourense e Pontevedra. O aviso alertaba da posibilidade de fenómenos localmente fortes ao longo da tarde, unha advertencia que quedou confirmada pola intensidade das descargas eléctricas rexistradas. 

Pouco despois das 18.00 horas, a tormenta alcanzou Vigo, A provincia de Pontevedra, que xa contaba coa alerta amarela decretada para todo o martes, foi o epicentro inicial das precipitacións máis violentas.  

Os modelos de seguimento en tempo real situaban o groso da actividade convectiva entre Pontevedra e Vigo, cos chuvascos mover progresivamente cara ao norte. As zonas de Arousa, O Barbanza, Caldas e posiblemente Santiago de Compostela figuraban entre as áreas en alerta pola expansión da fronte tormentosa. A intensidade debe empezar a remitir a partir das 20.30 horas, aínda que os chuvascos nocturnos poderían manter nas áreas de montaña.

Tamén as comarcas do norte de Ourense, o sur de Lugo e o interior de Pontevedra figuraban na zona de maior risco durante as horas centrais da tarde, con posibilidade de que as precipitacións fosen localmente fortes e incluísen actividade eléctrica.  

De forma máis puntual e con menor intensidade, os chuvascos poderán afectar igualmente ao centro de Lugo e ao leste da provincia da Coruña, así como a zonas do interior coruñés e as Rías Baixas xa entrada a noite. 

AEMET acaba de elevar a laranxa a alerta no litoral de Pontevedra ante a virulencia das tormentas xa rexistradas e a situación atomósférica .

A dana, fonte da inestabilidade

A causa de fondo desta xornada de tormenta é unha dana —depresión illada en niveis altos— situada ao noroeste da Comunidade, segundo explicou Meteogalicia na súa previsión para o mércores. Esta estrutura atmosférica en altura xera inestabilidade persistente e favorece o desenvolvemento de chuvascos convectivos, especialmente na metade sur e oeste do territorio galego.

A axencia autonómica alerta que o mércores 29 de abril será outra xornada marcada pola inestabilidade atmosférica, con ceos parcialmente nubrados e chuvascos tormentosos máis probables e intensos na metade sur e oeste de Galicia. Xunto ás precipitacións, prevese un descenso moderado das temperaturas, máis acusado nas máximas. A previsión inclúe tamén a posibilidade de saraiba de forma localizada.  

A Aemet xa activou o aviso amarelo para o mércores 29 de abril nas provincias de Pontevedra, Ourense e o sur de Lugo. O aviso ten vixencia desde as 9.00 até as 21.00 horas do mércores e contempla tormentas localmente fortes con posible saraiba. Meteogalicia pola súa banda estima que o risco empeza a partir das 15 horas.

A concatenación de xornadas inestables resulta especialmente rechamante para unha época do ano na que as temperaturas primaverais favorecen o desenvolvemento de tormentas de convección. A entrada de aire frío en niveis altos sobre unha superficie xa máis cálida crea o contraste que alimenta estes fenómenos. Galicia, pola súa posición atlántica, é especialmente susceptible a este tipo de situacións cando una dana sitúase nas proximidades.

As autoridades e os servizos meteorolóxicos insisten na necesidade de extremar as precaucións, especialmente ao volante, ante a rapidez con que estas tormentas poden descargar auga en moi pouco tempo e reducir drasticamente a visibilidade na estrada.