Especial atención ás estradas polo inicio da 'Operación Retorno'

|

Carreteratrafico



A Dirección Xeral de Tráfico prevé uns 671.000 desprazamentos das estradas galegas na 'Operación Retorno do Verán' que empeza este xoves, 31 de agosto.


Deste xeito, a DXT estima que a rede viaria galega rexistre un 11 por cento dos 6,1 millóns desprazamentos previstos en toda España entre as tres da tarde deste xoves e a medianoite do domingo 3 de setembro.


As estradas nas que se espera unha maior intensidade de tráfico nesta operación en Galicia son a autoestrada AP-9; as autovías A-6, A-52 e A-55; e as estradas N-550 e N-634.


PUNTOS CONFLITIVOS


Tráfico advirte dunha vintena de puntos conflitos nas catro provincias galegas durante esta operación, a metade deles na provincia de A Coruña. En concreto, localízanse nos accesos á cidade herculina pola AC-12 e AC-11, o entroncamento da AG-11 (autovía do Barbanza) coa N-550 e acceso á AP-9 en Padrón, N-550, N-651, AP-9, A-6, AC-552, AC-173, AG-56; AG-55 e AC-14.


Na provincia de Pontevedra avisa de puntos conflitivos na A-52, A-55, AP-9, AG-41, VG-4.1, PO-308 e CG-4.1. Polo seu lado, nas estradas ourensás localizaranse na N-120, N-525 e OU-540; mentres que na provincia de Lugo sitúanse na A-8 no alto do Fiouco e na LU-DP-0610.


AEROPORTOS


Os aeroportos españois rexistrarán 30.660 movementos aéreos durante a operación regreso do mes de agosto, desde este xoves 31 de agosto ata o vindeiro luns 4 de setembro, período para o que as compañías aéreas ofertaron algo máis de 5 millóns de prazas, segundo Aena.


O domingo día 3 será o día de maior tráfico no conxunto dos 46 aeroportos de Aena, cun total de 6.247 voos programados, para unha oferta de 1,034 millóns de asentos dispoñibles.


relacionada A DXT prevé case 900.000 desprazamentos en Galicia nesta ponte

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress