Un mesmo pleno para aprobar os orzamentos de 2017 e 2018 de Ferrol

|

PlenoferrolPleno do Concello de Ferrol.


O alcalde de Ferrol, Jorge Suárez, asegurou que o seu executivo baralla "levar a unha mesma sesión plenaria os orzamentos deste ano 2017 e os do 2018", en base ao obxectivo de "salvar a oferta de emprego público e incrementar o cadro de persoal do Concello de Ferrol".


De todas as maneiras, o rexedor de Ferrol en Común non quixo "anticipar ningunha data, porque logo pasa o que pasa, pero trataremos de aprobalos o máis rápido posible".


Jorge Suárez asegurou que o seu goberno traballa "sobre un documento base do que se deu traslado á oposición, para que fixesen as súas achegas a este borrador, non realizándose ningunha proposta, a pesar de que se lles instou a iso".


En canto ao capítulo 1 deste proxecto de contas, referente a persoal, o alcalde de Ferrol asegurou que "está o suficientemente traballado como para recoller as novas disposicións na Lei de Orzamentos Xeral do Estado e que permite aumentar o cadro de persoal do Concello", xa que, desde o seu punto de vista, "vai propiciar un acordo coas organizacións sindicais".


Con todo, non ofrece unha cifra en canto ao número de postos a cubrir, "pero si para poder contratar en determinados departamentos, como Benestar Social, Estatística ou Biblioteca".


INSTALACIÓN DE ESCENARIO


O alcalde de Ferrol tamén catalogou como de "cuestión menor", a preguntas dos medios de comunicación, a denuncia formulada o pasado martes, 22 de agosto, polo grupo municipal do Partido Popular, que nunha mesa de contratación aseguraba, con documentación gráfica, que uno dos contratos levados á mesma, de instalacións de infraestruturas para as festas, xa se executaba desde o día anterior.


"Abriuse unha investigación", asegurou o rexedor ferrolán, que abundou que "a empresa era a única que podía optar ao contrato, tiña toda a documentación en regra e só faltaba un acto administrativo". "Por tanto, non creo que teña a maior importancia", dixo, para incidir en que "non houbo ningunha orde nin política nin de técnico funcionario para empezar a instalación e por iso é algo menor".


Ademais, Suárez asegurou que en caso de existir sancións a única imputable "podería ser á empresa, por ocupar un espazo público de maneira irregular".

relacionada Jorge Suárez declara no xulgado pola retirada de dedicacións exclusivas
relacionada Ferrol tamén se apunta á cuestión de confianza para aprobar os orzamentos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress