A Xunta prolonga ata 2023 os concertos con colexios que segregan por sexo

|

UniformecolegiosprivadosCatro dos colgegios segregan por sexo.

O Diario Oficial de Galicia (DOG) publicou este luns a orde da Consellería de Educación pola que se aproban os concertos educativos para o período do próximos seis cursos, desde 2017-2018 ata 2022-2023.


Entre eles mantéñense os concertos con colexios que separan por sexo de Fomento de Centros de Enseñanza, titular dos colexios Montespiño, Peñarredonda, Montecastelo e Las Acacias, na Coruña e Vigo.


Por tanto, estes centros seguirán recibindo fondos públicos máis aló da fin desta lexislatura, que remata en 2020, independentemente da cor política da próxima Xunta. O Goberno de Feijóo apóiase para iso na 'Lei Wert', rexeitada polo Congreso, pero cun posible acordo atrancado.


Así, para o curso 2017-2018 haberá un incremento de 21 unidades concertadas respecto ao exercicio anterior ata un total de 3.913, que dan servizo educativo a 86.000 estudantes en centros privados de educación infantil, primaria, secundaria, especial e formación profesional.


Segundo sinala a Xunta nun comunicado, desde a chegada do PPdeG ao Executivo galego en 2009 o número de unidades concertadas incrementáronse en 77, o que confrotan cun aumento de 213 durante a etapa do bipartito.


Os concertos que se aproban teñen unha vixencia máxima de seis anos --en primaria a Lei Wert (Lomce) ampliou o período respecto dos catro anos que había anteriormente, aínda que se manteñen os catro no resto de niveis educativos--. Están abertos a modificacións que se poidan producir durante este prazo en función das necesidades de cada curso.


A ensino concertado supón ao redor do 25% das prazas de escolarización en Galicia. O orzamento destinado supón ao redor do 11% da Consellería de Educación.

relacionada ​O PSdeG critica que a Xunta salva aos colexios concertados dos recortes
relacionada A CIG critica que a Xunta "blinde" 1.550 millóns en concertos a centros privados
relacionada Miles de persoas saen á rúa en Galicia para esixir a derrogación da Lomce

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress