UGT suspende a folga de seguridade en Santiago a pesar de non chegar a acordo

|

LavacollaaeropuertointerioAeroporto de Lavacolla.

UGT suspendeu os paros parciais convocados por vixiantes de seguridade do aeroporto de Santiago a partir do 20 de agosto tras o atentado terrorista de Barcelona, a pesar de que na reunión con Prosegur non se chegou a un acordo.


O sindicato sinala que "ante a situación derivada do atentado terrorista, todos os equipos de seguridade deben estar a funcionar ao completo, dada a condición de infraestrutura crítica que representa un aeroporto e o estado de alerta no que se atopa o país".


En concreto, suspende os paros ata o vindeiro venres. UGT tamén suspendeu os paros no aeroporto da Coruña, nese caso ata o 20 de setembro.


Na reunión do xoves, a empresa ofertou constituír unha comisión negociadora para tratar os temas obxecto de convocatoria da folga, ampliar a un máximo de catro horas os reforzos, aceptar para 2018 a negociación de tres días de vacacións de libre disposición, así como levar á patronal Aproser a reivindicación de incluír un plus aeroportuario na negociación colectiva estatal.


Con todo, UGT critica que Prosegur "non garantiu" o abono do aparcadoiro que soporta o persoal, algo que resulta "irrenunciable" para os traballadores.

relacionada Os servizos mínimos propostos impiden a folga nos aeroportos galegos
relacionada Suspendidos os paros parciais dos controis de seguridade en Alvedro
relacionada Un atropelo masivo en Barcelona deixa polo menos 13 mortos e decenas de feridos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress