Galicia produce o 99% do rodaballo de acuicultura de España

En 2016 criáronse un 4% menos de toneladas, pero os produtores conseguírono vender un 17% máis caro.


|

PiscifactoriarodaballoPiscifactoría de rodaballo.


Galicia continúa como a maior produtora de rodaballo de acuicultura en España, co 99% do mercado existente, ao criar 7.346 toneladas en 2016 das 7.396 de todo o país, que se completan con outras 50 toneladas que se producen en Cantabria (1%).


Así figura no informe anual da Asociación Empresarial de Acuicultura de España (Apromar), que recolle Europa Press, no que se apunta que a cría de rodaballo baixa un 4,1% en Galicia en comparación coas 7.607 toneladas de 2015.


Con todo, o prezo medio do rodaballo de acuicultura en primeira venda en Galicia repunta un 16,6% ata alcanzar os 8,58 euros por quilo, máis dun euro por encima dos 7,36 euros do ano anterior.


De tal forma, o importe das 7.346 toneladas facturadas rolda os 63 millóns de euros na Comunidade. O prezo medio e a facturación son os maiores desde 2011, ano no que se chegou a alcanzar os 9,14 euros por quilo e superáronse os 70 millóns de euros en vendas.


Así mesmo, segundo a estimación que fai Apromar para 2017 no seu informe, a produción recuperarase ao redor do 1,5% respecto ao ano pasado en Galicia, e prevé que poida superar as 7.450 toneladas tras dous exercicios en descenso (2015 e 2016).


OUTRAS ESPECIES


Este informe de Apromar tamén conta con información doutras especies como o ollomol, que se produce en acuicultura unicamente en Galicia en toda Europa. En 2016 cultiváronse 178 toneladas.


Segundo explica o estudo, "non se prevé un incremento significativo na produción desta especie nos próximos anos, aínda que si existen algunhas liñas de investigación sobre o seu cultivo noutras comunidades autónomas españolas".


Por outra banda, en 2016 producíronse 755 toneladas de linguado en España, un 13,7 % máis que en 2015. Esta produción localízase nas autonomías de Galicia (295 toneladas) e Andalucía (460). A colleita de 2017 prevese que supere as 850 toneladas, cun lixeiro aumento ata as 315 na Comunidade galega.

relacionada Lídia Senra denuncia no Parlamento europeo os "efectos nocivos" da "economía azul"
relacionada A Xunta amplía a duración das concesións das bateas de 30 a 50 anos

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE