Lídia Senra denuncia no Parlamento europeo os "efectos nocivos" da "economía azul"

|

Fondomarino


A eurodeputada de Alternativa Galega de Esquerda en Europa (AGEe), Lídia Senra, denunciou no Parlamento europeo os "efectos nocivos" da chamada "economía azul" promovida pola Unión Europea (UE) como a "acuicultura industrial, a minería submarina ou as prospeccións de petróleo".



A europarlamentaria asegurou que estas prácticas implicarán "un menoscabo social, económico e ambiental" para a pesca artesanal e a pequena escala e "comprometerán seriamente o futuro dos caladoiros e, en definitiva, dos océanos".



Estas preocupacións recóllense nas emendas que Lídia Senra presentou a unha opinión da Comisión Europea que contribuirá á Axenda polo Futuro dos Océanos, no contexto de os obxectivos de desenvolvemento sustentable para 2030.



Para a eurodeputada galega, o impacto das actividades da economía azul que promove a Unión Europea deben centrar o debate sobre o futuro dos océanos e facelo desde unha perspectiva de protección aos caladoiros e ecosistemas fronte aos intereses privados das grandes multinacionais da minería submarina ou a explotación de hidrocarburos.



"A pesca artesanal e a pequena escala son sectores clave nas comunidades costeiras e garanten a soberanía alimenticia dos pobos, polo que deben ser protexidas fronte ao acaparamiento a nivel mundial dos océanos para múltiples usos que acaban causando contaminación e afectado os recursos pesqueiros", indicou.



PARALIZAR PROXECTOS



Por esta razón, Senra considerou que se "deben paralizar todos os proxectos de prospeccións de hidrocarburos e minería nos fondos mariños", como é o caso da mina Solwara 1, destinada a explotar "xacementos de ouro e cobre en Papúa Nova Guinea", o primeiro gran proxecto de minería nos fondos mariños e nunha zona hábitat de corais e numerosos cetáceos.



"Hai uns días coñecemos novos proxectos para a procura de hidrocarburos en augas do Gran Sol, un caladoiro no que tamén pesca a frota galega, e hai que ter presente que as actividades como estas serán, sen dúbida, graves, incertas e non atenderán a fronteiras", sinalou.

relacionada Senra reclama no Parlamento Europeo que o eucalipto sexa declarado especie invasora
relacionada Lídia Senra defende en Europa a "visibilidade" das mulleres do rural
relacionada Senra esixe que a loita contra a violencia machista sexa prioridade en Bruxelas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress