O Celta de Vigo vive o seu propio soño americano: Luca da Torre e Tadeo Allende, revalorizados

Si de algo saben no Porto de Vigo é de persoas que, sen oportunidades na súa casa, víronse forzados a cruzar o Atlántico en busca dun futuro mellor. Son moitas as historias de emigrados desde Galicia a Estados Unidos coa promesa de cumprir o "soño americano". Non todas son historias de éxito, pero as hai que si, a daqueles que volveron cos petos cheos ou, noutros casos, botaron raíces entro os ianquis. O último exemplo atopámolo en descartes do Celta de Vigo, Luca da Torre e Tadeo Allende, que parece que non sacarán un billete de regreso a Balaídos.

CAMIÑO Ao TÍTULO

E é que a experiencia destes dous futbolistas en EE.UU. está a ser máis que próspera. Os dous partiron o pasado mes de xaneiro como descartes dun Claudio Giráldez que non soubo atoparlles encaixe no seu esquema. Media hora de xogo para Luca da Torre o ano pasado até o seu adeus o último día de mercado; 100 minutos para Allende, que colleu o mesmo voo que o seu colega centrocampista. Un foise a San Diego, a súa casa, que viu nacer ao San Diego FC, novo rico da liga estadounidense; o outro a Miami, xunto aos galácticos Leo Messi, Luís Suárez, Jordi Alba ou Sergio Busquets.

A aposta non lle puido saír mellor a ningún dos dous. Ambos se atopan enfrascados na carreira polo campionato. O internacional co combinado das "barras e estrelas" callou unha sensacional tempada con 30 partidos xogados, onde asinou cinco goles no debut de San Diego na MLS sendo unha das estrelas do equipo xunto a Hirving Lozano, Paddy McNair ou Anders Dreyer. Agora, e despois de gañar por 2-1 a Portland na ida dos playoff, en San Diego soñan con chegar e bicar o santo no ano da súa estrea. 

Pola súa banda, Allende é indispensable nos esquemas de Javier Mascherano. Ademais do seu gol no Mundial de Clubs contra Palmeiras, o de Mina Clavero celebrou once veces máis no torneo regular, ademais de dous goles na Copa de Campións da CONCACAF e un gol na Leagues Cup. O último torneo no que plantou o seu pica foi no playoff polo campionato, marcando na vitoria fronte a Nashville nun partido no que os de Florida venceron por 3-1, con dobrete de Messi.

O bo facer dos dous futbolistas viuse reflectido na súa cotización. O portal especializado Transfermarkt actualizou o seu valor de mercado o pasado mes de setembro e os dous ven como os seus índices se disparan: Luca da Torre, polo que pagaron no seu día 1,4 millons e que valía 1,5 cando se foi cedido, vale agora 2,5 quilos, mentres que Allende, polo que abonaron 4,5 millóns a Godoy Cruz e se precepitó até os 2,5 millóns en decembro de 2024, vale agora 3 millóns. 

Na Sede esperan, polo menos, recuperar parte do investimento por estes futbolistas con contrato até xuño de 2026 no caso de Luca e até 2028 por parte de Tadeo. Os dous chamaron a atención de equipos estadounidenses e doutras ligas, que seguiron o despegamento destes xogadores que non contaban en Vigo pero que chegaron a América para cumprir o soño americano.