A moza de apuñalada pola súa ex parella en Santiago sae da unidade de críticos
Recupérase das numerosas feridas que lle provocou o agresor, que permanece en prisión sen fianza.
Aparcadoiro de San Clemente, en Santiago.
A moza de 21 anos que foi apuñalada pola súa ex parella o pasado 24 de xullo en Santiago de Compostela abandonou este luns a unidade de críticos do CHUS e foi trasladada a planta.
A moza, natural de Romanía, evoluciona favorablemente das intervencións realizadas a consecuencia das numerosas feridas que recibiu a plena luz do día na cara, peito, brazos, abdome e perna, e presenta prognóstico reservado.
Pola súa banda, o atacante, tamén natural de Romanía, foi detido pouco despois do suceso nas inmediacións de onde se produciu a agresión e foi enviado a prisión sen fianza.
FEITOS
Agresor e vítima foran parella durante dous anos e deixaran a relación hai dous meses, segundo explicou ás autoridades unha cuñada da moza atacada que a acompañaba no momento dos feitos.
A brutal agresión ocorrida a plena luz do día nas proximidades do aparcadoiro de San Clemente, na capital galega, está en mans da Policía Nacional.
A prisión sen fianza o detido por apuñalar a súa ex parella en Santiago
En estado crítico unha moza de 21 anos acoitelada pola súa parella en Santiago
Escribe o teu comentario