A prisión sen fianza o detido por apuñalar a súa ex parella en Santiago
A vítima segue ingresada na Unidade de Críticos en situación estable dentro da gravidade polas preto de 20 puñaladas recibidas.
O detido foi trasladado aos xulgados.
O home detido por supostamente apuñalar no centro de Santiago a súa ex parella foi foi enviado a prisión provisional, comunicada e sen fianza, tras comparecer ante o xuíz, que decretou estas medidas cautelares.
Así o confirmaron fontes xudiciais despois de que o detido pasara na mañá deste mércores a disposición xudicial nos xulgados de Fontiñas.
Agresor e vítima, de 21 anos de idade, foran parella durante dous anos e deixaran a relación había dous meses, segundo explicou ás autoridades unha cuñada da moza atacada que a acompañaba no momento dos feitos.
A investigación pola brutal agresión ocorrida a plena luz do día nas proximidades do aparcadoiro de San Clemente, na capital galega, está en mans da Policía Nacional.
Pola súa banda, a moza apuñalada está ingresada na Unidade de Críticos do Hospital Clínico de Santiago estable dentro da gravidade. Tras ser intervida das numerosas feridas que recibiu a plena luz do día en cara, peito, brazos, abdome e perna, presenta prognóstico reservado.
Detido un mozo por apuñalar a súa ex noiva de 21 anos en Santiago
Unha axente de paisano freou a agresión machista de Compostela
Escribe o teu comentario