Leiceaga descarta un pacto entre candidatos a estas alturas

Di que un acordo neste momento "non tería sentido", aínda que cre que se podería dar máis adiante, así como un posible debate.


|

Leiceagapsdeggparl"Sempre hai posibilidades de acordo", di Leiceaga.

O portavoz parlamentario do PSdeG, Xoaquín Fernández Leiceaga, que anunciou a súa intención de presentarse ás primarias para liderar o partido en Galicia, asegurou este luns que nestes momentos do proceso "non tería sentido" barallar un pacto entre candidaturas, á vez que non descartou a posibilidade de participar nun futuro nun debate co resto de candidatos.


En resposta a preguntas dos medios durante unha rolda de prensa en Santiago, Leiceaga admitiu que "ata o momento da votación sempre hai posibilidades de acordo" entre candidatos, dado que os tres son "compañeiros de partido", dialogan e teñen unha relación "persoal cordial", á vez que comparten "un mesmo tronco común de principios políticos", o que "facilita as cousas".


"Pero, sen dúbida, non ten demasiado sentido que, nestes días en que decidimos presentar unha candidatura, esteamos nese escenario", dixo Fernández Leiceaga, que precisou que agora é o momento de dirixirse aos militantes e simpatizantes para "explicar o seu proxecto" e "ver como reaccionan", o que será a "tarefa principal" durante o mes de setembro.


Ao mesmo tempo, preguntado acerca de se se producirán debates entre candidatos, apostou por "non descartar nada neste momento". "O proceso formalmente abrirase en setembro e xa falaremos nese momento", dixo Leiceaga, que non puxo "ningunha dificultade" pola súa banda.

relacionada Leiceaga anuncia que se presentará ás primarias do PSdeG
relacionada Gonzalo Caballero xoga a baza da súa "sintonía" con Pedro Sánchez
relacionada Villoslada, segundo aspirante ás primarias, mentres Leiceaga garda silencio

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE