Villoslada, segundo aspirante ás primarias, mentres Leiceaga garda silencio

O deputado autonómico súmase a Gonzalo Caballero na carreira para liderar o PSdeG, tras o anuncio do calendario do proceso.


|

DiazvillosladaJuan Díaz Villoslada dá "o paso adiante". Foto: PSdeG

O deputado autonómico do PSdeG Juan Díaz Villoslada anunciou este xoves a súa intención de sumarse á carreira para liderar o PSdeG. Dá "o paso adiante" un día despois de que a xestora aprobase o calendario que sitúa as primarias para elixir o secretario xeral dos socialistas galegos no domingo 8 de outubro.


O parlamentario socialista convocou os medios para ratificar a súa decisión "despois de días de reflexión persoal, política e familiar". Villoslada súmase se así á pugna co membro do Comité Federal do PSOE Gonzalo Caballero.


LEICEAGA GARDA SILENCIO


Pola súa banda, Xoaquín Fernández Leiceaga evitou pronunciarse sobre se se presentará ás primarias do PSdeG. "Iso verémolo nos próximos días", respondeu a preguntas dos medios.


O portavoz socialista na Cámara declinou confirmar se concorrerá ao proceso interno dos socialistas galegos, no que o militante vigués Gonzalo Caballero xa iniciou unha rolda de contactos para medir as súas forzas na pugna por facerse coa Secretaría Xeral do PSdeG.

relacionada A xestora do PSdeG ponlle data ás primarias, o 8 de outubro
relacionada Gonzalo Caballero, primeiro aspirante ás primarias do PSdeG
relacionada Os tres posibles aspirantes a liderar o PSdeG coinciden no acto de Rianxo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE