Valdeorras e a zona do Miño superan hoxe os 36 graos
Está activado o aviso amarelo por calor nesas zonas das provincias de Ourense e Pontevedra.
A masa de aire cálido procedente do sur peninsular manterá este venres activado o aviso amarelo por temperaturas superiores aos 36 graos centígrados na comarca de Valdeorras e na zona do Miño na provincia de Ourense e Pontevedra.
Segundo o Boletín de tempo meteorolóxico publicado por Meteogalicia, recollido por Europa Press, o aumento das temperaturas está motivado polas altas presións centradas no Atlántico e a entrada dunha masa de aire cálido procedente do sur peninsular.
Deste xeito, entre as 15,00 e as 21,00 horas deste venres o aviso será amarelo na zona de Valdeorras, e na área do Miño en Ourense e Pontevedra.
Ademais, o vento do nordés con intervalos de forza sete manterán a partir das 12,00 horas o aviso amarelo na Costa da Morte e no noroeste do litoral coruñés por vento no mar.
A onda de calor amaina e as temperaturas suavízanse este xoves
Galicia, en prealearta por onda de calor
Escribe o teu comentario