Un lugués, detido por matar dunha malleira á súa sobriña en Huesca

O home dixo aos médicos o xoves que a nena de 8 anos caera polas escaleiras.


|

HospitalMiguelServetHospital Miguel Servet de Zaragoza.


Unha nena de 8 anos de idade faleceu no Hospital Miguel Servet de Zaragoza tras sufrir o pasado xoves unha malleira no seu domicilio na localidade oscense de Sabiñánigo.


Segundo publica este sábado a prensa rexional, a Garda Civil detivo como presunto autor dos feitos ao tío da menor, un home de 30 anos de idade (e natural de Lugo, segundo distintas informacións xornalísticas) que vivía coa nai e coa nena e que deu aviso aos servizos médicos indicando que a menor caera polas escaleiras.


Con todo, os servizos médicos dubidaron da explicación dada por esta persoa e activaron o protocolo por posibles malos tratos. Dada a gravidade das súas feridas, a nena foi trasladada o xoves de Sabiñánigo ao centro hospitalario de Zaragoza onde, finalmente, faleceu.


O Xulgado de Instrución número 1 de Jaca fíxose cargo deste caso e decretou o segredo das actuacións.

relacionada Unha galega leva ao Parlamento Europeo a desprotección xudicial de vítimas de violencia machista e abusos a menores
relacionada Deteñen a un vigués por golpear e ameazar de morte á súa parella de 24 anos

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE