Deteñen a un vigués por golpear e ameazar de morte á súa parella de 24 anos

|

Violenciamachista


Axentes da Policía Local de Vigo detiveron por un delito de violencia de xénero a un home de 31 anos, de iniciais A.F.C., que supostamente golpeou na cara á súa parella e a ameazou de morte no transcurso dunha discusión.


Tal e como informou a Policía Local de Vigo, sobre as 1,00 horas deste venres unha veciña comunicou á Central de Información e Mando que unha muller gritaba pedindo auxilio desde unha vivenda do Camiño dous Esturáns.


Unha vez no lugar, os axentes, que tamén escoitaron á muller pedindo axuda, dirixíronse ao domicilio e, tras chamar insistentemente, conseguiron que un home abrise a porta. O suposto agresor, que presentaba síntomas de embriaguez, rexeitou "de malas maneiras" a asistencia dos efectivos, e convidounos a abandonar o lugar.


A muller achegouse entón á porta, o que o home tratou de evitar ata que ela gritou, facendo que os axentes entrasen para protexela. Así, comprobaron que a moza tiña a cara e a roupa ensanguentada, unha brecha nunha cella e o rostro rabuñado; ademais, a casa estaba desordenada e había manchas de sangue en varios lugares.


A muller, de 24 anos, indicou tiveran unha discusión e o home --co que convive desde hai 8 meses-- reaccionou de forma violenta, agredíndoa no rostro e ameazándoa de morte. Así mesmo, manifestou que é vítima de malos tratos e foi agredida en varias ocasións, aínda que non denunciou por medo a represalias. Por todo iso, procedeuse a deter ao home.

relacionada Ve-a Luz alerta do elevado sobresemento de denuncias por violencia machista en Pontevedra

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress