Galicia, entre as comunidades máis altruístas en doazóns de sangue

|

Donacionsangre 1


Os galegos realizaron durante 2016 un total de 111.276 doazóns de sangre, o que sitúa á comunidade no quinto posto, cun índice de doazóns por cada 1.000 habitantes do 40,93, só superada por Estremadura (43,19), Castela e León (42,93), Asturias (41,66) e Navarra (40,99), mentres que a media nacional foi de 36,62.


Trátase de datos extraídos do Informe 2016 sobre a Doazón de Sangue en España, promovido pola Federación Española de Doantes de Sangue (Fedsang), o Comité de Mozos Doantes e a marca Nexcare, no marco da celebración do Día Mundial do Doante de Sangue o 14 de xuño.


As 111.276 doazóns realizadas polos galegos durante 2016 supoñen unha cifra lixeiramente superior á rexistrada en 2015, co que a comunidade se mantén entre as máis solidarias de España.


DATOS NACIONAIS


No ámbito nacional, o número de doazóns altruístas de sangue en España mantívose estable durante 2016, con 1.983.150 de doantes activos, unha cifra practicamente idéntica á do ano anterior (-0,02%). En total, durante 2016 conseguíronse máis de 1.705.000 doazóns, o que sitúa o índice de doazóns en 36,62 por cada 1.000 habitantes.


Durante 2016 rexistráronse 258.680 novos doantes (708 cada día), dos que o 26% (uns 68.000) corresponden a mozos entre 18 e 35 anos.


Os expertos destacan que as doazóns de sangue permiten que diariamente se salven 80 vidas en España, grazas ás 6.200 transfusións de sangue que se realizan cada día e que tamén permiten recuperar a saúde a outras 375 persoas diariamente.


"O sangue é, neste momento, algo irremplazable, que non se pode fabricar. De aí a importancia de que a doazón sexa un acto continuo que poida garantir as reservas de maneira regular", destaca Martín Manceñido, presidente da Federación Española de Doantes de Sangue.

relacionada Preocupación polo estancamento das doazóns de sangue en Galicia
relacionada A factoría de Citroën de Vigo, número un en doazóns de sangue

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress