Sabotaxe a varios autobuses en Negreira o día antes da folga no transporte

Un total de seis autobuses apareceron este xoves con pintadas e as rodas picada no municipio coruñés de Negreira, un día antes de que comece a folga no servizo de transporte convocada na provincia da Coruña.
 

Segundo fontes policiais consultadas por Europa Press, os feitos foron descubertos na mañá desta xornada e as pintadas rexistradas nos vehículos facían alusión ao convenio.

Serán catro xornadas de folga, convocada por CIG, UXT e CCOO, en resposta á parálise na negociación e en demanda dun convenio colectivo "digno".

O calendario de paros, acordado polas asembleas de traballadores e traballadoras "de forma unánime", dará comezo este venres, día 5, continuará o 12, 15 e 19 e "afectará a todo o servizo, excepto á Compañía de Tranvías da Coruña xa que dispón de convenio propio".

En canto aos servizos mínimos, o Diario Oficial de Galicia (#DOG) recolleu que o servizo de transporte público regular de uso especial-escolares só funcionasen: os de entrada nos centros da provincia da Coruña desde as 07.30 horas ás 10.30 horas e os de saída desde as 13.30 horas ás 19.00 horas, só para estudantes de ensino obrigatorio e só se a ruta é de máis de 4 quilómetros.

Ademais, os servizos regulares de uso espacial para o transporte de traballadores funcionarán os servizos nas expedicións anteriores ás 09.00 horas e posteriores ás 18.00 horas.

En canto aos servizos públicos de transporte regular de uso xeral deberán #consultar na páxina web da Xunta.