A Policía Británica desmente que Echeverría fose abatido de forma accidental

|

Ignacioecheverrialondres


A Policía Metropolitana de Londres negou que Ignacio Echeverría morrese abatido por disparos policiais durante o atentado terrorista do pasado sábado en Londres. Esta mañá diversos medios aseguraban que a familia sospeitaba que ao galego matárao "o lume amigo". Con todo, un portavoz de Scotland Yard desmentiu estas informacións.


A familia do español agradeceu este xoves por primeira vez ás autoridades británicas a súa actuación e a información recibida. "Os oficiais ingleses están a facer desde un punto de vista persoal todo o que poden para axudarnos e para que podamos reunirnos canto antes, especialmente a miña nai, co corpo do meu irmán", subliñou a súa irmá Ana Echeverría.


AUTOPSIA


A familia espera ter este venres o informe preliminar da autopsia, aínda que recoñeceu que ese informe tardará en ser definitivo. Segundo dixeron, esperan poder ver o corpo do seu irmán este xoves.


Ademais, admitiron que, á espera da autopsia, non teñen información oficial sobre as causas da morte do seu irmán, pero fixeron fincapé en que, en calquera caso, as explicacións que recibiron son "suficientes e correctas".


Ademais, a súa irmá Ana quixo deixar claro que a familia está moi agradecida "co Ministerio do Interior e o Ministerio de Exteriores españois, a Embaixada e o persoal" que lles deron "un trato terriblemente humano".


Tamén, engadiu, os funcionarios ingleses "están a facer desde un punto de vista persoal todo o que poden" para axudar á familia e que poidan ter canto antes o corpo do seu irmán.


"Algo moi triste e moi duro está a converterse en algo máis bonito e moi grandioso que nos fai querer máis e apreciar máis ao noso irmán, á nosa familia, aos nosos amigos, ao noso país", asegurou.


ZOIDO PIDE EVITAR "ELUCUBRACIÓNS"


A respecto da teoría de que Echeverría fose abatido por "lume amigo", o ministro do Interior, Juan Ignacio Zoido, pediu evitar "elucubracións" ata que se coñezan os resultados da autopsia. "Calquera elucubración é moi arriscada e comprenderán que eu non podo entrar a facer ningunha valoración dese tipo". "Temos que ser moi prudentes", insistiu durante unha comparecencia en Interior na que informou do balance sobre delitos de odio.


Zoido remitiuse ao testemuño dos amigos que acompañaban a Ignacio Echeverría a noite do 3 de xuño nas inmediacións da Ponte de Londres. "O que sei é o que comentan os amigos, que ía en bicicleta, solta a bicicleta, colle o monopatín que levaba e vai socorrer a unha muller; e que logo eses amigos o viron tendido no chan", explicou.

relacionada Confirman que o galego desaparecido é un dos mortos no ataque de Londres
relacionada Sete mortos nun dobre ataque terrorista en Londres

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress