A Deputación doa a Cruz Roja unha ambulancia 100% 'made in Ourense'

A Deputación de Ourense entregou este luns unha nova ambulancia á Cruz Roja provincial, co obxectivo de reforzar o seu parque móbil cun vehículo dotado de todas as novidades e que foi realizado 100% en Ourense.

Así o destacou durante a entrega o presidente da institución provincial, Manuel Baltar, que confirmou a "colaboración e compromiso" da Deputación coa organización humanitaria. 

"Seguimos renovando a frota de Cruz Vermella cunha ambulancia pensada, construída e deseñada por unha empresa de Ourense que é líder neste campo, a nivel nacional e tamén en exportación", explicou Baltar antes da entrega do vehículo.

A ambulancia conta no seu equipamento cun desfibrilador, ademais de material para inmobilizar a feridos, unha cadeira para evacuación por escaleiras, instrumental de electromedicina, equipos de osixenación ou mochilas para primeiros auxilios.

No seu interior ten capacidade para seis prazas. Entre as súas características destacan a súa construción en materiais ignífugos e hidrófugos, e a existencia de tomas de corrente, osíxeno e iluminación LED.

CADUCIDADE

Ferreiro agradeceu a doazón da ambulancia por mor da "caducidade" da máis antiga da entidade, que ten que saír de circulación ao cumprirse este mes de abril os seus dez anos tal e como establece a normativa sobre transporte sanitario.

Para o presidente de Cruz Vermella Ourense trátase dunha doazón "moi importante", polo importe do vehículo "60.000 euros" e porque "ao longo de 2016 as ambulancias participaron en 130 actividades preventivas e atenderon a 293 persoas".