Marea de Vigo reclama un 'censo' de altos funcionarios do Concello

|


Mareavigo

O Grupo Municipal Marea de Vigo anunciou este xoves que pedirá "por escrito" un 'censo' de todos os altos funcionarios do Concello olívico, para coñecer cales son os cargos que ocupan, por que motivos e a súa situación, á vez que reclamou que "polo menos se aparten" aqueles que están a ser investigados xudicialmente.


Así o avanzou en rolda de prensa o portavoz do grupo, Rubén Pérez, quen se referiu ao auto xudicial feito público esta semana, polo que se abre xuízo oral contra o xefe do departamento de Participación Cidadá, Francisco Javier G.O., para quen a Fiscalía pide 8 anos de cárcere por prevaricación, malversación e falsidade documental.


"Mediáticamente ponse o foco nos concelleiros investigados, pero non hai ningunha administración con capacidade de contratar irregularmente sen a colaboración dalgúns traballadores", apuntou Pérez, quen sinalou que, no Concello de Vigo, hai un centenar de altos funcionarios "premiados" polo goberno local e que logo participan na redacción de pregos, de informes ou nas mesas de contratación.


Segundo o portavoz de Marea de Vigo, "hai un réxime de intereses no que participan concelleiros e algúns funcionarios", e o devandito réxime é o que favorece "contratacións opacas" e outras irregularidades.


"APARTAR" AOS INVESTIGADOS


Por iso, Rubén Pérez reclamou ao goberno local que "polo menos aparte" aos funcionarios municipais que están a ser investigados xudicialmente, para que non poidan seguir "condicionando" as contratacións de persoas ou servizos.


Así mesmo, Marea reclamará unha listaxe de altos funcionarios "con nomes e apelidos" para saber que responsabilidades teñen, "en base a que criterios", se acumulan funcións e teñen complementos salariais, e "por que" ocupan eses cargos. "Aí está a clave do que pasa. Para que un concelleiro prevarique, alguén lle ten que redactar un informe para que firme", sentenciou.

relacionada O funcionario vigués que supostamente enchufou a cuñada de Carmela Silva enfróntase a 8 anos de prisión

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress