Os apicultores estiman en máis de 15.000 os niños de avespa velutina en Galicia

Insisten en que se aproveiten as épocas de letargo para poñer trampas e alertan da proliferación desta especie en zonas de montaña. 


|

Nidoavispavelutina


O presidente da Sociedade Galega de Apicultores, Jesús Asorey, alertou de que en 2016 "contabilizáronse tres veces máis niños de avespas velutinas que en 2015", que xa empezan a "colonizar" Galicia, segundo comentou.


Así, cifrou "entre 15.000 e 18.000" os niños destes insectos na Comunidade galega, á vez que fixo especial fincapé en que estes "son os que se avistaron, porque realmente quedan moitos" que non se chegan a detectar.


Asorey concretou que agora as "raíñas" están invernando "e a partir de xullo e agosto é cando empeza o gran ataque sobre colmeas e froitos, e é nos meses de setembro e outubro cando máis se notan os efectos".


Ademais, o presidente da Sociedade Galega de Apicultores precisa que foi "na Mariña (luguesa) onde primeiro empezou, no ano 2012 no porto de Burela e foise estendendo".


Jesús Asorey subliñou que "se dicía que en zonas de montaña tardaría en chegar a velutina, pero xa este ano, a semana pasada atopáronse niños na Fonsagrada".


"Vai estar Galicia toda cuberta, mesmo este ano. Están a poñerse máis trampas, que insistimos en que se poñan trampas para cando saian do letargo e non fagan máis niños", recomendou.

relacionada Xunta e Caixabank cooperan en dous proyetos medioambientais de I+D+i

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE