O euro marca máximos desde novembro e os mercados celebran o resultado electoral en Francia
A moeda europea alcanza o seu mellor cambio fronte ao dólar desde novembro e as bolsas repuntan.
As bolsas do Vello Continente abriron a sesión deste luns con fortes avances en resposta ao resultado da primeira volta electoral en Francia, que anticipa a vitoria de Emmanuel Macron fronte a Marine Le Pen en segunda volta o próximo 7 de maio, mentres o euro escalaba aos seus máximos desde novembro fronte ao dólar, por encima de 1,09 dólares.
En concreto, o selectivo Cac 40 da Bolsa de París comezou a sesión cun repunte do 2,8%, que aos poucos minutos da apertura se aceleraba ata o 3,93%.
As subidas xeneralizadas no parqué parisiense estaban protagonizadas na apertura pola banca, con alzas do 9,29% no caso de Credit Agricole e do 9,24% no de Société Générale, mentres BNP Paribas subía un 7,92%.
No caso do índice Dax de Frankfurt, a subida do 2% ao comezo da sesión acelerábase ao 2,56% aos poucos minutos da apertura grazas ao impulso de Commerzbank (+9,02%) e Deutsche Bank (+7,69%).
Pola súa banda, o Ftse 100 da Bolsa de Londres anotaba un 1,6% na apertura, mentres o Ibex 35 iniciaba a xornada cunha alza do 3,33% e o italiano FtseMib subía un 2,34%.
Macron e Le Pen pasan á segunda volta das presidenciais francesas
Unha app galega interpreta os tuits que inflúen nas cotizacións en bolsa
Escribe o teu comentario