Ourense coñecerá cinco modelos educativos innovadores da man dos seus impulsores
A súa filosofía e metodoloxía pedagóxicas convértenos en "referencia" en España. Un deles é o CEIP Ben-Cho-Shey de Pereiro de Aguiar.
Os reis abriron o curso 2014-2015 no CEIP Ben-Cho-Shey.
A Fundación Nortempo reunirá en Ourense o próximo día 21 os representantes de cinco experiencias educativas "de referencia" en España pola súa filosofía e metodoloxía pedagóxicas baseadas na renovación e a formación para a integración.
Diso deu conta a través dun comunicado, no que precisou que se trata do colexio publico ourensán Ben-Cho-Shey (de Pereiro de Aguiar, onde os reis de España abriron o curso 2014-2015), a agrupación Xesuítas de Cataluña, a rede de 20 centros de Donosti do sistema Amaia Berri, o misioneiro salesiano Juan Linares e o especialista portugués en educación intercultural e para a paz Américo Nunes.
O obxectivo deste acto é "crear un espazo de reflexión" sobre os principais aspectos do cambio social, económico e político que definen "as novas contornas globais". Terá lugar no Liceo de Ourense ás 12,00 horas.
Escribe o teu comentario