Noriega cuestiona a "imparcialidade e independencia" da "Valedora do PP"

|

Martionoriegavaledoradopobo


O alcalde de Santiago, Martiño Noriega, mostrou este martes o seu preocupación ante a falta de "obxectividade", "imparcialidade" e "independencia" da valedora do Pobo, Milagros Otero, no exercicio das súas funcións.


En ton irónico, o rexedor compostelán afirmou que "dubida se verdadeiramente a valedora do Pobo" o é con "unha 'p' ou con dúas", é dicir, se é a "valedora do PP".


Noriega fixo estas declaracións ao ser preguntado polos medios sobre o informe anual presentado a xornada anterior por Otero, un acto que o alcalde cualificou de "lamentable espectáculo" e confesou que a valedora "non deixa de sorprendelo".


Neste informe, Milagros Otero destaca particularmente a situación de "difícil convivencia" entre as persoas sen fogar e os titulares de negocios na zona vella da capital galega. Un feito que levou ao rexedor compostelán a asegurar que "existe unha obsesión ou unha animadversión co Concello de Santiago" por parte da valedora, con todo, esta defendeu que "non hai ningún problema".


Así mesmo, Noriega sinalou que "os propios datos son significativos", posto que a valedora equiparou "a nivel comunicativo" as "máis de 50.000 queixas" que houbo sobre a sanidade pública e as listas de espera a "dúas queixas" pola situación das persoas sen fogar.


REPERCUSIÓN SOCIAL DO CASO


Sobre por que dá tanta relevancia a este tema preguntóuselle a valedora na presentación do informe, a súa defensa, esta aludiu á repercusión social do caso das persoas sen fogar e subliñou que é un asunto que aglutinou "bastantes queixas".


Esta non é a primeira ocasión en que Milagros Otero e Martiño Noriega intercambian declaracións, de feito, o rexedor compostelán chanceou repetidamente sobre "pedir amparo á valedora diante das actuacións da valedora".

relacionada As queixas á Valedora dispáranse, coas cuestións sanitarias á cabeza
relacionada A Valedora asegura que non recibe queixas por razón de raza: "Somos un país igualitario"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress