Un incendio calcina cinco caravanas e o bar dun cámping de Boiro
Non houbo feridos, aínda que chegaron a explotar dúas bombonas de cámping gas. O lume comezou no bar.
Captura do vídeo gravado polos bombeiros.
Un incendio calcinou na noite do luns cinco caravanas e un bar nun cámping situado na praia de Mañóns, na localidade coruñesa de Boiro, pero non houbo persoas feridas. Segundo constataron os efectivos de extinción ao 112 Galicia, ademais, explotaron dúas bombonas de cámping gas.
Foi un particular quen, sobre as dez e media deste luns, alertou ao 112 Galicia e indicou que ardía o bar do cámping e que non había persoas feridas.
Por iso, o persoal do Centro de Atención ás Emerxencias do 112 alertou aos Bombeiros de Boiro que, sobre as 11 e media xa tiñan controlado o incendio, aínda que non extinguido.
Así mesmo, foi requirida a intervención dos membros do parque comarcal de Ribeira, da Garda Civil e dos efectivos de Protección Civil da localidade. Sobre a unha da madrugada os servizos de emerxencia alí desprazados deron por finalizadas as tarefas de extinción.
Escribe o teu comentario