Un incendio calcina por completo un bar de Betanzos

|

Cafeteriaponteareasincendio

Foto de arquivo


Un bar situado na rúa Pozo en Betanzos ardeu por completo na tarde deste mércores. O incendio, que se orixinou no baixo do edificio, onde está situado o bar, tamén afectou ao resto do inmoble, segundo informa o 112.


Así, víronse danadas as galerías das tres plantas. O local comezou a arder despois de que uns obreiros, que se atopaban facendo reformas no interior do bar, provocasen unha faísca mentres traballaban.


Foi un operario o que, ás 15,50 horas, alertou do incendio ao 112. Indicou que todos eles se atopaban fóra do local. Un particular informou tamén ao 112 Galicia de que podería haber dúas persoas maiores na primeira planta.


O 112 pasou o aviso aos Bombeiros de Betanzos, á Policía Local e a Protección Civil de Betanzos, que se desprazaron ata o punto.


A dotación dos Bombeiros, ao chegar, controlou e sufocou o lume. Tras extinguir o incendio, arrefriaron e ventilaron a zona. O 112 Galicia informou do incendio, tamén, ao servizo de urxencias médicas, pero ningunha persoa viuse afectada.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress