Un incendio afecta a unha fábrica de madeiras de Cambre

|

Cambreincendiomaderera// @ConcelloCambre 


Os Bombeiros de Arteixo traballaron arreo durante toda a tarde e parte da noite do luns na extinción dun lume declarado nunha empresa de madeiras situada no lugar de Xira, en Sigrás, no municipio de Cambre.


Segundo informou o 112 Galicia, o lume afectou unicamente a un silo de labras, almacenado no interior das instalacións. Foi precisamente, a gran cantidade de labras almacenadas o que complicou as tarefas de extinción.


Finalmente, os servizos de emerxencias alí desprazados indicaron que sobre as 22,00 horas do luns o lume quedara totalmente extinguido. Ademais, encharcaron o silo ata arrefrialo completamente.


No operativo despregado participaron ademais dos bombeiros, axentes da Garda Civil, Policía Local e de Protección Civil de Cambre e Culleredo.


Tamén, por parte do 112 Galicia informouse da situación ao servizo de Medio Ambiente da Xunta de Galicia e a Urxencias Sanitarias de Galicia-061 aínda que non houbo que lamentar danos persoais.


relacionada Un total de 10 persoas faleceron por incendios ou explosións en Galicia durante 2015
relacionada Un home sofre queimaduras nos brazos ao incendiarse a súa cafetería en Ponteareas

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress