O plan de Caballero para convencer a Mouriño: ceder Balaídos por 50 anos

|

Balaidosestadiofondo


O goberno municipal vigués encargou a unha auditora a realización dun estudo económico sobre as condicións dunha eventual concesión administrativa ao Real Club Celta, para que a entidade dispoña do estadio municipal de Balaídos por un período de "40 ou 50 anos".


Así o confirmou este luns o alcalde olívico, Abel Caballero, quen explicou que o club poderá beneficiarse da explotación do estadio e os espazos comerciais, á vez que precisou que aínda se está analizando o procedemento para saber se se fará mediante concurso público ou cesión directa.


Segundo lembrou o rexedor, o estadio municipal de Balaídos "é un ben público e a lei prohibe a súa venda"; mentres que tamén rexeitou a opción de conceder unha licenza ao club para construír unhas novas instalacións porque non hai espazos adecuados no plan urbanístico da cidade.


"Estamos a estudar moi a fondo esta cuestión", indicou o rexedor, quen precisou que ese informe económico estará listo "en moi pouquiñas semanas". Así mesmo, recalcou que, coa reforma de Balaídos, os espazos utilizables polo club (para a súa explotación e, por tanto, para obter retorno económico) "aumentan moitísimo".


A xuízo de Caballero, a concesión (unha posibilidade que xa formulara a oposición municipal) "é a opción máis conveniente e é o que se está facendo noutros estadios de España", ademais de ser unha alternativa "que cumpre a lei".

relacionada PSOE e PP engánchanse sobre o futuro de Balaídos e a continuidade do Celta en Vigo
relacionada Carlos Mouriño: "Se non nos queren en Vigo, teremos que marchar"
relacionada O PP pide un pleno extraordinario con Mouriño para debater o futuro de Balaídos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress